ماهي صيغة الادخار لسكنات الجيش وكيفية الاستفادة منها

سكن الادخار العسكري
سكن الادخار العسكري
صيغة الادخار للجيش الوطني الشعبي
صيغة الادخار للسكن العائلي
سكنات الادخار للجيش
الادخار الجيش الوطني الشعبي

الهدف من صيغة الادخار العسكري تخفيف الضغط على الادارات العمومية بالرقمنة ، و استثمار اموال المستخدمين العسكريين  والعمل على انقاص المشاكل الاجتماعية وتوجيه المستخدم العسكري في توجيهه من اجل حسن تسيير امواله واستثماره في انجاز سكن يليق به ولمستقبله .

من يستطيع التسجيل ومكونات ملف صيغة الادخار العسكري:

  1. كل العسكريين العاملين (actif) لهم الحق في التسجيل
  2. تعمر زوج نماذج وحدة بالعربية ووحدة بالفرنسية
  3.  شهادة اثبات بلي قيد الخدمة (راكم تعرفوها)
  4.  تدفع الملف تاعك وين راك خدام و تنتظر.

تتبع الملف الخاص بهذه الصيغة :

الشرح  بالللهجة العامية :

  • الصوصيال فالجهوي كي يلحقهم الدوسي تاعك يديرو عليك تحقيق اداري بسيط جدا
  • التحقيق بلي مراكش مستفيد من سكن بملك او قطعة ارض ملكك من مديرية مسح الاراضي و المحافضة العقارية.
  •  التحقيق بلي مراكش مستفيد من قبل من القروض تاع السكن و الاعانات ، من عند ج و ش.
  •  اذا خرجو في زوج سلبيين يديرولك امر باقتطاع من الراتب الشهري و يبعثوه لمركز الدفع.
  •  يبداو ينحولك من الشهرية حساب تاع 100 مليون عشر سنوات اي معناه 8.333.40 دج و يحطوك في قائمة.
  •  كي تخرج وزارة السكن كوطة تاع LPA لكل ولاية ، راه كاين اتفاقية مع وزارة السكن ووزارة الدفاع الوطني باش من كل كوطة تخلي 20% اي بمجموع  5000 سكن سنويا عبر القطر الوطني لوزارة الدفاع بهذي الصيغة (LPA) بالنسبة ل ض ص و ال. ض .ب.ا.ط يسجلولهم ف LPP
  • مثلا استفادت ولاية الجزائر من 2000 سكن بالصيغتين , تخلي لوزارة الدفاع 400 سكن للجيش.
  • وزارة الدفاع كي تلحقها 400 مبرمجة كمثال، تسجل لاول 400 عسكري اللي دفعوا ملفاتهم و طلبوا سكن فالعاصمة و دارولهم تحقيق و خرجو سلبيين حسب ارقام ملفات الدفع و الباقي ينتظرو.
  • اذا كنت كملت 10 سنين تاعك و هوما ينحولك هاي تجي ساهلة كيفاش يمولولك سكن تاعك.
  • هوما يدفعو الاقساط 20% و 15% %35 و 25% و 5% من 100 مليون لي اقتطعوهالك حسب الرتبة تاع العسكري بالنسبة مثلا لاي ض ص عامل
  • يزيدوك 120 مليون كاعانة
  •  يزيدو  يكملولك قيمة السكن ب 100 اخرى كريدي ،
  •  اضافة لـ 70 مليون تاع CNL  او 40 حسب الراتب تاعك وزوجتك ، هذاك لكريدي يبداو يقتطعوه نهار يخرجلك قرار الاستفادة من السكن على مدة حسب الجدول اللي داروه. و اني حطيتو لتحت فالصورة.

قواعد مهمة :

  •  مجموع ادخارك هو 100
  •  تدي 70 او 40 تاع صندوق السكن حسب الخلصة تاعك
  • 120 مليون اعانة.

الكريدي  :

وحدد مبلغ القرض الخاص بالسكن العائلي على النحو التالي:

  • الضباط العاملون والمستخدمين المدنيون الشبيهين خارج الصنف يستفيدون من قرض يقدر بـ2.000.000 دج يتم تسديده في أجل 144 شهر، باقتطاع شهري قدره 10.888.88 دج بدون فوائد.
  • ضباط الصف والمستخدمين المدنيين للفئات من 11 و17 فإن مبلغ القرض يقدر بـ1.000.000 دج يتم تسديده في أجل 144 شهر باقتطاع شهري يقدر بـ6944.44 دج دون فائدة.
  • الضباط العاملين والمستخدمين المدنيين الشبيهين خارج الصنف تقدر الإعانة بـ100 مليون سنتيم.
  • ضباط الصف والمستخدمون المدنيون للفئات سيستفيد من 11 و17 من إعانات تقدر بـ120 مليون سنتيم.
  • الناس اللي سجلت و هي خدامة كي تخرج التقاعد و هوما ينحولهم ديجا ، يبقاو ينحيولهم نفس المبلغ و كانك خدام. و اذا ما بداوش ينحولك وقت خدمتك و دوسيك فات ، يقدرو يبداو ينحيولك و انت متقاعد
  • الناس اللي تقعد في قائمة الانتظار و ما يلحقهاش الدور ولا الكوطة مكانش ، يقعدو في الانتظار حتى ينوب ربي

مثلا فوت مدة و هوما ينحولك بصح كرهت معطاوكش دار و ما بان عليك والو ، تقدر تبطل الادخار تاعك اذا تجاوزت مدة 5 سنين و هوما يقتطعولك و يدفعولك المبلغ اللي اقتعوهلك فالحساب الجاري تاعك.

  •  اذا سجلولك ما يخبروكش رانا سجلنالك ، و ما يقولولكش راك استفدت حتى نهار يخرجلك قرار الاستفادة ، و كاين اللي مدولهم وصل دفع الملف فيه رقم تسلسلي تاع الملف.
  •  الناس اللي طلبت التسجيل في ولايات فيهم كوطات تاع سكن ، ممكن يستفادو عن قريب خاصة العاصمة وهران و تلمسان و قسنطينة و سطيف ، اما الولايات الاخرى اللي متجيهمش كوطات بزاف تاع lpa  و اذا جات يمدو قليل ربي معاكم.
  • صيغة استثمرت فيها (و د) دراهم العسكر و تنحي غبينة على الناس اللي ما تعرفش تخبي دراهمها.

 

 

شاهد أيضاً

هذه أسباب تأخر انجاز مشاريع الترقوي المدعم lpa

هذه أسباب تأخر انجاز مشاريع الترقوي المدعم lpa

عادت التساؤلات لتطرح من جديد حول مصير مشاريع “ال بي يا” التي تأخر ملفها، دون …

اترك تعليقاً

لن يتم نشر عنوان بريدك الإلكتروني.

%d مدونون معجبون بهذه: